Framkvæmd fjárlaga janúar-september 2020
Skýrsla til Alþingis04.02.2021
Í skýrslu um framkvæmd fjárlaga fyrir janúar til september 2020 kemur fram að rekstur ríkissjóðs á tímabilinu beri mjög mikil merki tekjusamdráttar og ráðstafana á gjaldahlið sem gripið var til vegna Covid-19 faraldursins.
Þannig var afkoma A-hluta ríkisins á fyrstu níu mánuðum ársins neikvæð um 167,4 ma.kr. eða sem nemur 28,8% af tekjum. Afkoma ríkissjóðs var til samanburðar jákvæð um 8,3 ma.kr. á sama tímabili 2019.
Áætlanir stjórnvalda gera ráð fyrir að halli ríkissjóðs á öllu árinu 2020, sem áætlaður var 9,8 ma.kr. í fjárlögum ársins, verði í reynd rúmir 270 ma.kr. Annars vegar er reiknað með að tekjur ríkissjóðs verði 116 ma.kr. lægri en skv. fjárlögum og að útgjöldin verði 144 ma.kr. hærri.
