Ábendingar til innviðaráðuneytis:

1. Flugöryggi getur ekki verið samkomulagsatriði milli ríkis og 
Reykjavíkurborgar
Innviðaráðuneyti þarf að tryggja áframhaldandi samstarf milli ríkis 
og Reykjavíkurborgar hvað snýr að þróun flugstarfsemi í Vatnsmýri. 
Samkvæmt samgönguáætlun er gert ráð fyrir flugvellinum þar til annar 
betri kostur liggur fyrir. Sá kostur er ekki í sjónmáli og því kann að reynast 
nauðsynlegt að endurnýja samkomulag ríkis og borgar. Komi til þess er 
brýnt að málefni er lúta að flugöryggi og fylgni við alþjóðlegar kröfur verði 
ekki gerð að samkomulagsatriði, líkt og raunin hefur verið.

2.Setja    þarf    skýrari    ákvæði    í    samninga    um    rekstur    Reykjavíkur
flugvallar
Við endurskoðun þjónustusamnings um starfsemi Reykjavíkurflugvallar 
þarf innviðaráðuneyti að setja fram skýrari ákvæði um hvaða skilyrði flug
völlurinn og flugbrautir hans eiga að uppfylla, með tilvísun til viðmiða og 
skilgreininga Alþjóðaflugmálastofnunarinnar. Jafnframt þarf ráðuneytið að 
taka til skoðunar hvort setja eigi sérstök ákvæði um samráð og samstarf 
við sveitarfélög á áhrifasvæði flugvallarins sem stuðlað gætu að bættri 
upplýsingamiðlun um þær kröfur sem gilda varðandi umhverfi flugvallarins.

3. Setja    þarf    reglugerð    um    samráð    rekstraraðila    flugvalla    og    
sveitarfélaga
Innviðaráðherra þarf að nýta sér heimild k-liðar 152. gr. laga nr. 80/2022 
um loftferðir og setja reglugerð um samráð sveitarfélaga og rekstraraðila 
flugvallar.

4. Endurskoða    þarf    ákvæði    í    lögum    nr.    80/2022
Innviðaráðuneyti þarf að endurskoða ákvæði í lögum um loftferðir sem 
snúa að heimildum Samgöngustofu til íhlutunar vegna framfylgni skipu
lagsreglna. Tryggja verður að heimildir stofnunarinnar til að grípa til nauð
synlegra ráðstafana vegna framfylgni skipulagsreglna séu hafnar yfir vafa 
og að þeim sé beitt þegar tilefni er til.

5. Endurskoða    þarf    ákvæði    reglugerðar    nr.    1144/2023    um    
tilnefningar    í    starfshóp    um    skipulagsreglur    flugvalla
Innviðaráðuneyti þarf að endurskoða ákvæði 2. gr. reglugerðar nr. 
1144/2023 um að einungis þau sveitarfélög tilnefni fulltrúa í starfshóp um 
skipulagsreglur flugvalla þar sem flugvöllur er innan staðarmarka.

6. Ljúka    þarf    endurskoðun    skipulagsreglna    Reykjavíkurflugvallar
Innviðaráðuneyti þarf að tryggja að lokið verði við endurskoðun skipu
lagsreglna Reykjavíkurflugvallar, sbr. auglýsingu nr. 682/2009 sem fyrst.

Ábending til Samgöngustofu:

7. Samgöngustofa    þarf    að    setja    sértæka    verklagsreglu    um    
íhlutun hennar með framfylgni skipulagsreglna
Samgöngustofa þarf að setja sértæka verklagsreglu um íhlutun stofnun
arinnar vegna framfylgdar skipulagsreglna. Slík regla þarf m.a. að segja 
til um með hvaða hætti unnið er úr ábendingum um að reglunum sé 
ekki framfylgt, hvaða skilyrði þurfi að vera fyrir hendi til að stofnunin 
hefji íhlutun, viðmið um tímafresti og hvernig staðið sé að framkvæmd 
nauðsynlegra aðgerða.